Albisteak

Agiro Mendi Klubeko kideak Nepalera joan dira

Astelehenean, urriak 3, abiatu ziren Agiro Mendi Klubeko kideak Nepalera. Aizarnako eta Zestoako mendizaleak, Zumaiako, Hernialdeko eta Iruñeko mendizaleekin batera abiatu dira. Beraien asmoa Pumoriko kanpamenduan trecking egitea da.

Horretaz gain, Zestoako Agiro Mendi Klubak 1000 euroko laguntza emango die aurreko urtean lurrikara baten ondorioz kaltetuak izan ziren nepaldarrei. Gainera, Espedizioak 2001. urtean Pumorin hil ziren bost mendizaleak oroituko ditu. Argazkian Arantxa Gurrutxaga (duela 15 urteko espedizioan hil zen Beñat Arrueren ama) eta Ramon Martija Agiro Mendi Klubeko kidea ageri dira.




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide