Albisteak
Amaitu da Endoiako Raku ikastaroa
— 2018-07-15Keixeta (Arroa 1963) margolari eta zeramikagileak zuzenduta, ‘Raku’ (zeramika japoniarra) tailerra antolatu zuen Itziarko Auzo Udalak, Gaztendoia, Endoiako Auzo Elkarteak lagunduta. Uztailaren 6,10 eta 14an izan dira saioak Endoiako auzo lokalean.
Zortzi heldu eta 11 haurrek hartu dute parte hiru eguneko ikastaroan. Lehen egunean buztinezko piezak egin zituzten, bigarrengoan egosi eta esmaltatzen hasi ziren eta atzokoa izan zen egun zirraragarriena, emaitzaren ordua, sorpresaz beteriko eguna. Buztinezko piezak zein kolore eta itxura hartuko duten ez baita jakiten zehatz aurrez. Balorazio oso ona egin dute irakasle eta ikasleek ere.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide