Egun hauetan norbait Santa Engraziako ermitara joaten bada, erlojua gordetzen zuen itxiturarik ez du ikusiko. Izan ere, berritu ondoren, erlojua lehen zegoen baino dezente beherago kokatuko da. Horretarako, itxitura kendu eta txokoa txukundu eta egokitu egingo da.

Abenduaren 28an igo ginen itxitura kentzera, hainbat tramankulu hartuta. Bide batez, kanpaiaren euskarria txukundu genuen, eta baita mailuaren euskarria egokitzeko neurriak hartu ere.

Bestalde, Lasaon jarraitzen du erlojuak. Probak egiten jarraituko dugu udaberrian bere lekura eman arte.