Albisteak
Euskaraldiaren lehen bilera izango da gaur Kultur Etxean
— 2018-06-25Ekainaren 11n aurkeztu zen Euskaraldian Zestoan, Aek eta Danbolinek deituta eta udaleko Euskara saila eta UEMAk lagunduta. Bertan, ekimena aurrera aterako duen batzordea sortzeko erabakia hartu zen. Gaur izango du batzorde horrek aurreneko bilera. Kultur Etxeko Gazteleku ohian izango da, arratsaldeko 18:30ean.
Gogoratu, Euskaraldia azaroaren 23tik abenduaren 3ra bitartean iraungo duen ariketa soziala izango dela eta batzorde horrek ariketa hau aurrera nola eramango duen erabaki beharko du. Batzordea edonorentzat irekia da.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide