Albisteak

Hemendik aurrera Coviran eta Keixa dendetan banatuko dira poltsa konpostagarriak

Poltsa konpostagarriak banatzeko saltokiak aldatu ditu Urola Erdiko Mankomunitateak. Pasa den otsailaren 19an itxi zen 2018an poltsa konpostagarriak banatzeko zerbitzua eskaintzeko diru-laguntzak eskatzeko epea. Zestoan,  bi saltokitan banatuko dira. Herrigunean, Coviran supermerkatuan eta Arroabean, Keixa fruta-dendan.

Guztira, Azpeitian, Azkoitian eta Zestoan 11 establezimenduk jaso dute poltsak banatzeko diru-laguntza. Honen helburua, hondakin organikoen balorazioa, banaketa bereizia eta birziklapena sustatzea da, herritar guztientzat hurbilagoak eta erabilerrazagoak diren entrega-guneak sortuz. Urola Erdiko Mankomunitateak guztira 11.000€ bideratuko ditu zerbitzu honetara.