Albisteak
“Nafar hegoaldeko uzta, euskarari puzka”; Errigora saskiak eskuragarri Zestoan
— 2017-10-25ERRIGORAren aurtengo kanpaina, Zestoan ere urriaren 26tik azaroaren 14ra bitartean egingo da. Nafarroa hegoaldeko produktuekin osatutako saski zuria ala beltza (edo biak) 50€ren truke eskura dezakezu, Nafarroa hegoaldeko euskalgintzari (hain zuzen Lodosa, Tutera eta Vianako ikastolen biziraupenerako, Erriberako AEK indartzeko eta D ereduko lerroak babesteko eta zabaltzeko dinamikak biderkatzen laguntzeko) %25 bideratuz.
Saskiak edo kaxak, herriko dendetan, tabernetan, Egoitzan, AEK Euskaltegian eta Herri Eskolan egongo dira salgai.
Eta internet bidez eskaera egin nahi duenak, PORTALE KULTUR ELKARTEKO helbide honetan ere egin dezake: portalekulturelkartea@gmail.com
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide