Albisteak

Umeen danborrada antolatzeko talde berri bat eratzeko bilera

— 2017-01-30

Astearte honetan (urtarrilak 31) umeen danborrada antolatzeko bilera izango da. Zestoako Udalak honako ohar hau argitaratu du:

Jakina denez, azken dozena bat urtetan, Ekain Guraso Elkartea arduratu da Umeen Danborrada antolatzeaz.
Antolaketa lan horrek denbora eskatzen dio Guraso Elkarteari eta, ondorioz, beste hainbat proiektu garatzeko zailtasunak eragiten dizkio: eskolako gaien jarraipen zuzenagoa egitea, Herri Hezitzailea proiektuari ekarpen sendoagoak egitea, guraso zein umeentzat formazio saioak antolatzea…

Hori dela-eta, danborrada antolatzeko ardura bertan behera lagatzea erabaki du Guraso Elkarteak eta hala jakinarazi zion Zestoako Udalari. Horrela ba, Zestoako Udalak gaia aztertzeko bilera zabala egitea erabaki du.

Behar beharrezkoa da bilera horretatik talde berri bat sortzea, bestela ezin izango baita egin aurtengo danborrada. Hori dela eta, bilerara azaltzeko ahalegin berezia egitea eskatzen dizuegu.

2017ko urtarrilak 26
Josetxo Mendizabal, alkatea

Eguna: Urtarrilak 31, asteartea.
Ordua: 18:00.
Lekua: Zestoako Udaletxea.
Gaiak: Aurkezpena eta danborradaren hausnarketa.
Danborrada antolatzeko talde berri bat sortzea.
Karroza egiteko egon daitezkeen aukerak aztertzea.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide