Hainbat gazte elkartu dira plazan EH Bilduri babesa emateko. Gazte horiek argi dute igandean herritarren etorkizuna dagoela jokoan eta horretarako aukerarik onena EH Bildu bozkatzea dela.

Guk argi daukagu, EH Bildu da Zestoako gazteak ondoen ordezkatuko dituen aukera. Herriko gazteak ditugu zerrendan, horiek izango dira Zestoako gazteen interesak, beharrak edota kezkak udalera eramango dituztenak. Gure herriko gazteak herrian bizi eta herrian lan egitea nahi dugu eta horretarako bermeak eta laguntzak ezartzen saiatuko da EH Bildu. Gazteak dira gure herriaren oraina eta etorkizuna. Zestoa, bizia, aktiboa, feminista, berdea… nahi dugu; Zestoa ezkerretik eraiki nahi dugu. Eta hori egiteko aukera bakarra EH Bildu da. Maiatzaren 26an asko dago jokoan. Igandean, gazteok, EH Bildu!