Albisteak

Andoni Lubakiren argazki emanaldia eta ikastaroa antolatu ditu F11 Argazki Elkarteak

— 2019-01-08

F11 Argazki Elkarteak antolatuta, Andoni Lubaki foto-kazetariak argazki emanaldia eskainiko du datorren hilaren 16an Portale Kulturgunean, arratsaldeko 19:00etan hasita. Munduko hainbat herrialdetako gatazkak argazkietan jaso ditu urretxuarrak eta Siria, Libia edota Afrika Erdiko Errepublikan izandako bizipenak izango ditu hizpide datorren asteko saioan.

Ikastaroa

Argazki emanaldiaz gain, hilaren 17 eta 19an, argazkigintza ikastaroa eskainiko du Lubakik. Bi saio horietan, argazkilariak Alepon egindako lana baliatuko du, argazkiak nola bilatu behar diren azaltzeko. Gainera, edizio lana nola egiten duen ere azalduko du. Ikastaroan parte hartu nahi dutenek 50€ ordaindu beharko dituzte. Izena emateko zestoa.argazki@gmail.com helbidera mezu bat bidali beharko da.

Argazkia: argia.eus

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide