Europako Parlamentuak hainbat gomendio eman zituen etorriberrien jatorrizko hizkuntzez (2009/04/02). Gomendioak izanda, estatuek ez daude betetzera derrigortuta.

Kulturartekotasuna zabaldu eta landu nahi dugunok ezagutu beharko genituzke, eta horietaz hausnartu:

• 8. artikuluak estatu kideetako gobernuei eskatzen die legezko etorkinen seme-alaben hezkuntza berma dezatela, harrera-estatuko hizkuntza ofizialen ikaskuntza ez ezik, haur horien jatorrizko herrialdeko hizkuntzen eta kulturen sustapena ere barne dela;
• 10. artikuluak dio eleaniztasuna kontserbatu eta sustatzeak eskola-programa guztien nahitaezko parte izan behar duela; azpimarratzen du hizkuntzen ikaskuntza eskolaurreko etapatik sustatu beharko litzatekeela, etorkinak barneratzen laguntzeko; bere ustez, beren beregi aitortu behar zaie estatu kideei ama-hizkuntza ikasketa-planetan txertatzeko aukera, bai eta horren irakaskuntza ere;
• 16. artikuluak proposatzen du legezko etorkinek laguntza finantzario eta administratibo handiagoa izan behar dutela beren ama-hizkuntza ulertzen duten langile kualifikatuek emandako hizkuntza-ikastaroak egiteko.
• 17. artikuluak azpimarratu du garrantzitsua dela etorkinen seme-alabek beren ama-hizkuntza eta bizi diren herrialdekoak ikastea, eta irakurketa- eta idazketa-gaitasunak ahalik eta azkarren bereganatzea eskolaurreko etapatik;
• 18. artikuluak ikasketa-planetan etorkinen ama-hizkuntzan irakastorduak sartzea garrantzitsua dela onartzen du, haien kultura-ondarea zaintzeko.

‘Egin zaidazu bisita’ 2009an, Oreretan, egindako bideoklipa: