Albisteak

Zestoako Pentsiodunen Mugimendiak eta Urola Erdiko Kontseilu Sozialistak elkarretaratzea egin zuten atzo, Langilearen Nazioarteko Egunean. Herritar ugarik egin zuten bat deialdiarekin. Bi panktarten atzean bildu ziren, Historia iraultzailetik prozesu sozialistara zioen batek eta Pentsio, osasungintza eta zaintza publiko eta duinak, besteak.

Elkarretaratzearen amaieran Kontseiluko kide batek hartu zuen hitza aurrena. Langileak egoera “latz” batean daudela salatu zuen: “Pandemian azken urte luzeetatik hona martxan zegoen krisialdi ekonomikoa eta honek berarekin dakarren proletarazizazio prozesua bizkortu ditu, eta gaixotasunaren aitzakipean proletalgoaren bizi baldintzat modernizatu ditu bankari eta enpresari handiez osaturiko oligarkia internazionalak”. Egoera honetan “antolakuntza komunista indartzearen” beharra azpimarratu zuen.

Kontzentrazioari amaiera emateko, Zestoako Pentsiodunen Mugimendiko kide batek hartu zuen hitza: “Jasaten ari garen egoera bidegabe honi aurre egiteko bat egiten dugu bizitza duin eta berdintsuago bat aldarrikatzen duten herriko mugimenduekin” azaldu zuen. Pentsio duin eta zaintza sistema publiko baten aldeko aldarria egin zuen.