Albisteak

Gose fisiologikoa eta emozionalari buruzko hitzaldia emango du Aintzane Etxeberriak Arroabean doan

— 2024-11-28

Datorren azaroaren 30ean, 11:00etatik 12:30etara, Aintzane Etxeberria nutrizionistak “Gose emozionala edo fisiologikoa, noren esanetan zaude?” izeneko doako hitzaldia eskainiko du Arroabeko elkargunean.

Ekitaldiak jaietan bereziki garrantzitsua den gai bat jorratuko du: nola identifikatu eta bereizi gose emozionala eta gose fisiologikoa. Bertaratzen direnek beren gorputzak sortzen dituen seinaleak interpretatzen eta beren elikadura-beharrei modu egokian erantzuteko estrategiak garatzen ikasiko dute.

Hitzaldi hau herritar guztiei irekita dago eta janariarekin harremana hobetu eta elikadura kontzienteagoaz gozatu nahi duten pertsona guztiei zuzenduta dago.

Informazio gehiago nahi izanez gero edo parte hartu ahal izateko deitu 609 434 818 telefonora.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide