Albisteak

[GUTUNA] Zestoako Atletismo Taldeak martxoaren 19aren harira idatzitako gutuna

— 2021-03-16

“Aurten ere martxoaren 19a gerturatu zaigu eta atletismo taldetik gogoratu nahi dugu guretzako martxoaren 19a egun berezia izaten dela.

Egun honetan, goizean goizetik hasita, Zestoako kaleetan mugimendua izaten da. Batzuek kaleetan hesiak ipintzen, beste batzuek izen emateko eta informazioko mahaiak prestatzen, edo hamaiketakoen suak pizten… Gero lasterkariak gerturatzen hasten dira. Lehenengo txikienak beren gurasoekin. Ondoren helduagoak. Dortsalak jaso, kafetxoa hartu, beroketa egin eta prest!…

Covid-19a dela eta bai 2020koa eta bai aurtengoa bertan behera geratu dira. Hala ere urte guzti hauetan zuen laguntza eman diguzuen komertzio/enpresa/instituzioei eskerrak eman nahi dizkizuegu.

Zestoako atletismo taldetik herritar guztiei gure animoa bidali nahi diegu eta espero dugu datorren urtean bai, berriz ere Zestoako kaleetan zuekin elkartzea.”

Zestoako Atletismo Taldea

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide