Albisteak
Zaintzaren inguruko jardunaldiak egingo dituzte gaur goizean Azpeitian
— 2020-11-27Zaintzaren inguruko jardunaldiak antolatu ditu Irauli Zaintza plataformak gaur goizerako. Minutu gutxi barru hasiko dira jardunaldiak, Azpeitiko Urola Erdiko Mankomunitatearen Areto Nagusian. Jardunaldiak online jarraitzeko aukera izango da lotura honetan.
‘Zaintzarako euskal sistema publiko eta unibertsal baterantz’ lelopean antolatu dituzte jardunaldiak eta zaintza arloko adituek hartuko dute parte. Bertan izango dira Ana García Mendoza, Pilares Fundazioko kidea, Iñaki Lasagabaster, EHUko Administrazio Zuzenbideko katedraduna edo Yolanda Jubeto EHUko ekonomialari feminista.
Zaintza duinen eta pertsonen autonomiaren aldeko gizarte-erakundeen inguruko mahai-ingurua ere egingo dute eta elkarte ezberdinetako ordezkariek hartuko dute parte.
Hemen egitaraua:
- 09:30-09:45: Harrera eta akreditazioa
- 09:45-10:00: Ongietorria: Nagore Alkorta Azpeitiko alkatea. Aurkezpena: Xanti Ugarte Irauli Zaintza plataformako kidea.
- 10:00-11:00: Pilares Fundazioa. Ana Garcia Mendoza, lan komunitarioko masterrean psikologoa. Proiektu teknikaria (Madril).
- 11:00-11:45: Egoitzak eta zuzenbidea. Iñaki Lasagabaster, Administrazio Zuzenbideko katedraduna EHUn.
- 11:45-12:30: Nola josi politika publikoa bizitzaren sarean? Yolanda Jubeto, Euskal Herriko Unibertsitateko ekonomialari feminista.
- 12:30-12:50: Atsedena.
- 12:50-14:00: Zaintza duinen eta pertsonen autonomiaren aldeko gizarte erakundeen mahai-ingurua. Parte hartzaileak:
- Pentsionistak Martxan. Bizkaia. Ion Fano.
- Egoiliarren familiarren elkartea. Gipuzkoa. Xabi Pierrudes.
- Malen Etxea zaintzaile etorkinen elkartea. Silvia Carrizo.
- Olatukoop. Ekonomia Sozial Eraldatzaileen Kooperatiba. Beñat Irasuegi.
- ONEKA. Arantza Corrales.
- Gipuzkoako Pentsionistak. Maritxu Serrano.
- 14:00-14:15: Ondorioak eta itxiera.
Argazkia: Irauli Zaintza plataformaren aurkezpen ekitaldia 2019ko azaroaren 21ean, Azpeitiko Basazabal jauregian.
Egin zaitez bazkide