Albisteak

Zestoako AEKko ikasleek antolatutako areto futbol txapelketa izango da Euskararen Egunean

— 2015-12-02

Abenduaren 3a Euskararen Eguna izanik, Zestoako AEKko ikasleek areto futbol txapelketa antolatu dute. Txpelketa 17:00etan hasiko da Zestoako Kiroldegian. Hauek dira txapelketan izena eman duten taldeak: Ongi etorri (Zestoa), Hanka ahaldunak (Zestoa), Orioko mirotzak (Orio), Txatxarro (Zarautz), Egalariak (Zarautz) eta Lotsagabeak (Zarautz).

Parte hartzaileek, hiru partaideko bi taldetan banatuta ekingo diote txapelketari. Ondoren, talde bakoitzeko lehen bi sailkatuek finalaurrekoak jokatuko dituzte. Eta finalaurrekoetako garaileek finala jokatuko dute. Talde irabazleak Errigorako otar bat izango du sari gisa.

Hamabost minutuko partidak izango dira, eta berdinketa kasuan, bost minutuko luzapena eta penalti jaurtiketak ere izango dira. Partida irabazleek bi puntu eskuratuko dituzte, eta galtzaileek abesti bat kantatu beharko dute euskaraz.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide