Albisteak

Zestoako San Juan Fundazioak Zilarrezko A – Kudeaketa Aurreratuari Euskal Saria jaso du. Sari horrekin praktika aurreratuak dituzten eta bere interes taldeen –bezeroak, pertsonak, akziodunak eta gizartea besteak beste– asebetetze orekatua bilatzen dituzten erakundeak saritzen dira.

Zestoako San Juan Fundazioa irabazi asmorik gabeko fundazio bat da. Adineko pertsona dependienteei zerbitzu sozio sanitarioak eskaintzen dizkie, 3 baliabideren bidez: Egoitza, Eguneko Zentroa eta Etxebizitza Babestuak, guztiak Gipuzkoako Foru Aldundiarekin hitzartuak daudelarik.

Erakunde horrek bere kudeaketa sistema ebaluatzeko eta hobetzeko Kudeaketa Aurreratuaren Eredua erabiltzen du erreferente gisa, eta saria lortu du, EUSKALITeko Ebaluazio Klubeko ebaluazioa jaso ostean.

“Kudeaketa-sistemaren etengabeko hobekuntza eta aurrerapena” bultzatzen dutenentzako saria

Kudeaketa Aurreratuaren Euskal Saria, EAEko erakundeen artean Kudeaketa Aurreratuaren garrantzia lehiakortasunaren funtsezko elementu gisa bultzatzeko eta zabaltzeko sortu da.

Kudeaketa-sistemaren etengabeko hobekuntza eta aurrerapenarekin konpromisoa erakusten duten Euskadiko enpresa, hezkuntza-zentro, osasun-zentroek eta bestelako erakundeek, publikoek zein pribatuek, erdiesten dituzte Eusko Jaurlaritzak EUSKALITen bitartez ematen dituen aintzatespen horiek.