Albisteak

Txikitasunian Haundi eguna ospatuko da larunbatean Arroabean

— 2024-10-07

Larunbat honetan, urriak 12, Txikitasunean Haundi eguna ospatuko da Arroabean, auzoak antolatutako eguna, herritarren kohesioa eta gozamena sustatzeko. Aurten, Arroabea lotarako auzoa ez ezik, bizitzaz eta jardueraz betetako lekua ere badela frogatuko da.

Etxebizitza bloke berriak eraiki berri direnez, auzoko eragileek elkarrekin lan egin dute egun hau antolatzeko eta Arroabekoek gozatzeko eta elkarrekin bizitzeko eskaintzen dituen aukera ugariak erakusteko.

Aurtengo proposamena aurreko ikasturtean OinHerri elkartearekin egindako partaidetza-prozesu batetik sortu zen, Arroabea Herri Hezitzailea. Prozesu horretan, hainbat eragilek elkarlanean jardun zuten auzoan garatu beharreko funtsezko eremuak identifikatzeko. Prozesuak, jarraipena izango du eta bertan parte hartzeko interesa duenarentzat, hurrengo bilera azaroaren 12an izango da Elkargunean.

Txikitasunean Haundi eguneko egitaraua:

10:00 ATE IREKIAK HAUR ESKOLA eta ESKOLA
11:30 Auzoko lokalak eta ekintzak ELKARGUNEAN
12:30 TXARA KOOPERATIBA
13:00 EDERKI ELKARTEA
13:30 TXOMIN eta SAKULUPE tabernak

13:00 Haurrentzak DANBOLIN FANZINE tailerra plazan
14:30 HERRI BAZKARIA frontoian
17:00 IAGO MAGOA eskola zaharrean
18:00 ZUMAIAKO KARROPOTEOA herriko kaleetan zehar
22:00 TRIKIDANTZ erromeria plazan
00:00 tik aurrera DJ PATX ETA DJ J.CRAF Ederki elkartean

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide