Albisteak

Frontoiko teilatuan jarritako plaka fotovoltaikoak martxan daudela jakinarazi du Udalak

— 2024-11-06

Urriaren 29an jarri ziren martxan Zestoako frontoiko teilatuan jarritako plaka fotovoltaikoak, tokiko jasangarritasunerantz egindako aurrerapen esanguratsua. Azpiegitura berri hori autokontsumorako diseinatu da, eta bi kilometroko erradioan dauden 24 udal eraikin eta lokalek sortutako energiaz baliatzeko aukera eman du. Energia berriztagarri hori erabiliko duten espazioen artean daude Zestoako Ikastetxea, Udaletxea, Kultur Etxea, eguneko zentroa eta kiroldegia, herritarrentzat funtsezkoak diren beste zerbitzu eta kirol zerbitzu batzuen artean.

Instalazioak 216 modulu monokristalino ditu, 122,04 kWp-eko potentzia ematen dutenak. Energia berriztagarri horren erabilerak argiaren fakturan % 34,9 aurreztea espero da, hau da, 17.800 euro inguru urtean.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide