Albisteak

Goialdeko langileak geldialdian

Sansinenea industriagunean kokatua dagoen Goialde enpresako langileak kalera atera dira. Konbenioa aplikatzeko barne hitzarmena sinatzea dute helburu duela 2 hilabetetik.

Joan den astean, astelehen eta asteartean, hasi ziren paroiak egiten eta gaur goizean ere kalera atera dira. Geldialdian parte hartzen ari zen langile batek azaldu duenez, enpresaren ordezkaritza hitzarmena sinatzeko hitzorduak lotzea oztopatzen ibili da. Azkenik, bihar enpresako gerentziarekin bilera egingo dute eta asteazkenean langileen batzarra. Ordurako ez badituzte nahi dituzten baldintzak lortu, LAB eta ELA sindikatuen babesarekin, ostegunetik aurrera greba deia egitea erabaki dute.