Albisteak

Duela hiru hilabete inguru hasi da lanean futboleko junta berria. Gogotsu eta ilusioz daudela aitortu dute, baina kezka ere adierazi dute nesken futbol taldeen inguruan, izan ere, futbol eskola eta kirol eskolari esker, neska gaztetxoak gogotsu baldin badatoz ere, infantil mailatik gorako taldeak osatzeko lanak dituzte.

Horregatik, lerro hauen bidez, 2011 eta 2012an jaiotako infantil neskak, 2008-2009 eta 2010ean jaiotako kadete neskak, eta 2007an edo lehenago jaiotako neskak animatu nahi dituzte futbol taldeak osatzera. Denboraldi berria hasterako errekonozimendu medikua, fitxak, arropak eta gauza asko lotu behar dira oraindik, eta ondorioz, uztailaren 15erako izena eman beharko da juntako edonorekin harremanetan jarrita, edota 667 751 356 (Daniel Peñas) telefono zenbakiaren bitartez.

Zestoa Futbol Taldeko kideek, bide batez, jakinarazi nahi izan dute baita ere, babesle bila dabiltzala eta edonork interesik izango balu edo informazioa nahiko balu ere, juntakideekin harremanetan jartzeko.