Albisteak

Argiolak proiektu fotovoltaikoen aurkezpen batzarrak egingo ditu Aizarnan eta Arroabean

— 2024-09-11

Argiolak, Zestoako energia berriztagarrien komunitateak, bilerak deitu ditu datorren asterako Aizarnan eta Arroabean, Aizarnako frontoian eta Arroako eskolan jarriko diren plaka fotovoltaikoen proiektuen berri ematea da helburua. Aizarnako bilera asteartean, hilaren 17an, izango da, 18:00etan, kontsejuan, eta Arroabean, berriz, ostegunean, hilaren 19an, 18:00etan, Elkargunean.

Aizarnako pilotalekutik edo Arroako eskolatik 2 km-ko erradioan bizi direnei zuzentzen da egitasmoa. Tokiko proiektua, tokiko biztanleekin eraikitzea da asmoa. Argiaren faktura murriztu, eredu energetiko eraginkorragoa, independenteagoa eta inklusiboagoa sustatu eta baliabide energetikoak tokiko komunitatearen eskura jarri nahi dituztenei zuzenduta daude bilera horiek.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide