Albisteak

[BIDEOA] Argiolako kideek proiektu fotovoltaikoetan izena emateko mahaiak jarriko dituzte asteburuan Arroabean eta Aizarnan

— 2024-09-26

Argiolak Aizarnan eta Arroabean proiektu fotovoltaikoak jarri nahi ditu martxan. Aizarnako pilotalekutik eta Arroabeko eskolatik bi kilometroko erradioan dagoen edonork hartu ahal izango du parte proiektuan, izan, etxebizitza, elkarte, nahiz enpresa.

Proiektuan parte hartu nahi dutenek urriaren 20a baino lehen eman beharko dute izena . Horretarako, asteburu honetan, irailaren 27, 28 eta 29an, Argiolako kideak Arroaben eta Aizarnan egongo dira, ostiralean eta larunbatean, arratsaldeko 18:00tik 20:00tara bitartean eta igandean 12.00etatik 14.00etara, nahi duenak izena eman dezan eta proiektuaren inguruko informazioa jaso edo zalantzak argitzeko. Gainera, haien argindar fakturarekin gerturatzen direnek informazio pertsonalizatua ere jaso ahal izango dute. Harremanetarako hurrengo helbide elektronikoa luzatu dute: argiola@ni.eus.

Ikus xehetasun gehiago Argiolak eta Danbolinzulok elkarlanean osatu dugu ondorengo bideoan:

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide