Albisteak

EH Bilduk Herri Batzarra egingo du bihar Gurutze jubilatuen tabernan

— 2024-11-20

EH Bilduk herri batzarra egingo du bihar, osteguna, Gurutze jubilatuen tabernan, 18:30ean hasita. Koalizioaren III. kongresua izango da batzarreko gai nagusia, eta hori lantzeko Nekane Zinkunegi EH Bilduko Gipuzkoako koordinatzailea izango da bertan.

Zestoako EH Bilduk dei egiten die herritarrei batzarrera joateko. Izan ere, nazio ikuspegitik ez ezik, gaia herri mailatik ere landuko da. Horregatik, garrantzitsua da zestoarren parte hartzea.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide