Albisteak

[ARGAZKIAK] Kontzertu arrakastatsua eta Jesus Odriozolari omenaldi hunkigarria atzo Santa Zezilia egunean

— 2024-11-23

Atzo, Santa Zezilia eguna zela eta, Zestoako musika bandak kontzertu berezia eskaini zuen ia erabat bete zen frontoian. Edizio honetan, Errenteriako Rockalean taldearen laguntza izan zuten, eta haiekin rockaren pieza klasikoak interpretatu zituzten, nazioartekoak zein Euskal Herrikoak, kantu berriak eta zaharrak nahastuz.

Gaueko puntu gorena Jesus Odriozolari egindako omenaldi hunkigarria izan zen, taldearen ibilbidean funtsezkoa izan dena. Musikariek publikoki aitortu zuten, haren dedikazio eta ahaleginik gabe, banda ez zela gaur egun den bezalakoa izango. Omenaldi gisa, taldekideek bertso bat eskaini zioten, plaka oroigarri bat eman zioten, eta lore sorta bat eskaini zioten emazteari.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide