Albisteak

Ekainberri, Ekaingo kobaren erreplika, 2008ko irailaren 11n ireki zenetik 498.000 bisitari jaso ditu. Azken urtean (2024ko irailetik 2025eko abuztura), 28.469 bisitari izan ditu, aurreko epealdiaren aldean %5 gehiago.

Uda honetan, 439 pertsonak parte hartu dute Lili Jauregiko “Lilitarren Ohorea” bisita antzeztuan (%13 gehiago), eta 3.800k Ekainberri bisitatu dute, aurreko urteko antzeko kopuruan.

Arrakastaren gakoetako bat “Historiaurreko Esperientzia Konpletoa” da, non bisitariek Ekaingo margolanak ezagutzeaz gain, sua pizten, ehizan edo labar-artea sortzen aritzen diren, historiaurreko bizimodua esperimentatuz.

Gainera, irailaren 28ra arte ikusgai dago “Zestoako Ondare Arkeologikoa eta Paleontologikoa. Urolako Ondarea Gertutik Gertura” erakusketa, Ekain Fundazioak eta Ekainberrik antolatua, bisita gidatuekin eta doako sarrerarekin ostiraletan.