Albisteak

Antxieta arkeologia-taldeak pozez amaitu du Amalda III aztarnategiko seigarren indusketa-kanpaina, pasa den 2024ko urriaren 7tik 13ra bitartean burutu dena. Kanpaina honek bi urteko (2023-2024) proiektuaren itxiera zehaztu du, aurreikusitako helburuak lortuz eta iragana ezagutzeko aurkikuntza garrantzitsuak eginez. Arkeologia taldeak adierazi duenez, Amalda III proiektuaren inguruko informazioa oraindik, ez da eduki librea baina aurrerago guztien eskuetara zabaltzeko nahia erakutsi du eta bitartean bertako ikerlariak, Joseba Riosek, seigarren indusketan egindako aurkikuntzen inguruan aurrerapenak luzatu dizkigu.

Amalda III aztarnategiko seigarren indusketan, lanek US4sup geruzaren zorura iristea ahalbidetu zuten indusketaren hedadura osoan, eta US4inf geruza prest utzi zuten etorkizuneko azterketetarako. Guztira, zazpi geruza induskatu ziren (19bis-25), eta azken mailetako lanak 5B.3, 5B.4, 5C.3 eta 4C.1 koadranteetara murriztu ziren; gainerako koadranteak, berriz, US4infera arte garbitu ziren. 4B zundaketatik gertu, gehienez ere 15 cm-ko lodiera lortu zen.

Emaitzen artean, koordenatu zehatzak dituzten 375 aztarna arkeologiko berreskuratu dira. Horien artean, industria litikoko pieza nabarmentzen dira: tamaina txikiko arraspagailu bat, toba-lutita formako aurpegi biko zati bat, arbel-punta handi bat, lidita formako beste punta bat eta sufre-harrizko dentikulatu klaktoniarrak. Halaber, hegaztien hezurrak, bobido handiak, oreinak eta haragijaleak zituzten fauna-hondarrak aurkitu ziren, baita ikatz-hondakin batzuk ere US4supeko lurzoruan.

Azken egunetan, Antxietak proiektu honen aurkezpena egin du gure Komunitatea atalean:

1 – AMALDA-III (Zestoa) Erdi Paleolitoa: Kobazuloko 6. indusketa 2024
2 – AMALDA-III (Zestoa) Erdi Paleolitoa: Kobazuloko 6. indusketa 2024
3 – AMALDA-III (Zestoa) Erdi Paleolitoa: Kobazuloko 6. indusketa 2024
4 – AMALDA-III (Zestoa) Erdi Paleolitoa: Kobazuloko 6. indusketa 2024