Albisteak

Apirilaren 25, 26 eta 27an helduen danborradako entseguak egingo dira kiroldegiko aterpean

— 2022-04-22

Santakutzetako danborrada gainean zela eta Udalak bilera egin zuen danborradako taldeetako ordezkariekin apirilaren 12an. Helburua, talde bakoitzean zenbat lagunek parte hartuko duten eta ibilbidea adostea ziren, besteak beste. Ia talde guztietako ordezkariak elkartu ziren bileran, eta ibilbidea zehazteaz gain, apirilaren 25, 26 eta 27an, arratsaldeko 20:00etan, kiroldegiko aterpean talde guztiek batera danborradako hiru entsegu egitea ere adostu zuten. Apirilaren 27an, asteazkenean, bandak ere parte hartuko du entseguan.

Hemen 2019ko entseguko irudiak bideoan.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide