Albisteak

Azaroan sinatu zen Zestoa eta Urepele herrien arteko senidetzea dela eta hainbat ekintza antolatu ditu Udalak, horien artean, atzoko kiroldegiko “Gai ziren eta gai gara” bertso saioa. Amaia Agirre eta Xalbat Alzugarai gai-jartzaileek Xalbador urepeldarrak eta Uztapide zestoarrak 1967an jokatutako Bertsolari Txapelketa Nagusiko gaien nolabaiteko aukeraketa egin eta gaur egunera ekarri zituzten. Azken orduko arazo bat tarteko, Aroa Arrizubietak ezin etorria jakinarazi zuen, baina gainontzeko bost bertsolariek, Maialen Lujanbio, Saioa Alkaiza, Alaia Martin, Miren Artetxe eta Nerea Ibarzabalek saio polita eskaini zuten. Amaieran, Uztapide plazako monolitoan taldeko argazkia atera zuten bertsolari, gai-jartzaile eta Zestoako alkate, Mikel Arregik eta Urepeleko Xole Aire auzapezak.

Hurrengo ekintzen egitaraua:

Ekainak 15, Urepele eguna

– 08:00 Zestoa XXII. Ibilaldi Neurtua, 15km plazatik abiatuta. (Aurrez izena eman behar da)
– 10:00 Txistularien diana.
– 11:00 Urepeldarren etorrera.
– 11:00 – 13:00 Urepeleko eta Zestoako ekoizle eta artisauen azoka.
– 12:00 Kika Txaranga kaleetan zehar.
– 14:30 Herri bazkaria plazan, bertsolariekin. (Bazkariko txartelak Portalen salgai, 15 euro). Bazkal ondoren: Kantaldia plazan.
– 18:00 Urepeldarren itzulera.

Ekainak 19, asteazkena
– 19:00 “Uztapide eta Xalbador. Bi adiskide mugaz gaindi” liburuaren aurkezpena

Ekainak 29, asteazkena
– 07:30 Labaien Belate Ibilaldia (Zestoatik Urepelerako etapa)