Albisteak

Festen ospakizun bete-betean murgilduta dago herria gaur, igandez. Hirugarren egunera arte ez da izan zekorketaren txanda, eta jendeak gogotsu hartu du hitzordua, izan ere, sarrerak salgai jarri bezain pronto, ordu erdian, sarrera guztiak agortu dira herritar ugari kanpoan gelditzera behartuz.

Zestoako Musika Bandaren, dultzaineroen eta txistularien kalejirak lehen zekorketa iragarri du, giroa berotuz. Ondoren, zezen plaza goraino bete da, eta 18:00etan hasi da zekorketa. Bien bitartean, festa-giro bikaina izan da zezen plazan, herriko bandaren musikak lagunduta. Ekitaldia amaitutakoan, zezen bolaztatuak atera dira plazara, Lopene Ganadutegiaren eskutik.

Urteroko ohiturei jarraituz, “Amparito Roca” pasodoblearen doinuekin jarraitu du festak Erdikalean.

Hona hemen eguna bukatzeko egitaraua:

21:00 Skapaie.
23:00 M&M, Laranjadin.