Albisteak

Euriak ez du ia atsedenik eman, baina horrek ez ditu zestorrak etxean geratzera behartu. Mozorro koloretsuz jantzita, kalera atera dira giroa eta alaitasuna zabaltzera.

Arratsaldean, umeen mozorro desfilea eta lehiaketa egin dira udaletxeko arkupetan. Euritik babestuta, baina ilusioz gainezka, txikiek beren mozorroak harro erakutsi dituzte, txalo artean.

Gaurkoan ere jendetza bildu da, familia eta lagunak umeen erakustaldia gertutik jarraitzeko prest. Parte-hartzaile guztien desfilearen ondoren, epaimahaiak sariak banatu ditu.