Albisteak

[ARGAZKIAK] Ia 400 lagun bildu ziren atzo Eskolarteko XXXIV. Mendi Lehiaketan

— 2023-03-13

Eguraldiak ederki eutsi zion atzo goizean eta ederki pasa zuten ibilbidean parte hartu zuen 240 ume eta 140 gurasok. Agiro Mendi Klubeko kideek antolatu zuten lehiaketa, Gipuzkoako Mendi Federazioaren eta Gipuzkoako Foru Aldundiaren laguntzarekin. Bi ibilbide zeuden aukeran, bederatzi kilometrokoa eta seikoa. Gipuzkoako hainbat eskolatatik etorri ziren parte hartzaileak. Ibilbidean zehar, geldialdiak eginez, Mikel Irure Agiroko kideak azalpenak eman zituen mina zuloetan. Gehienak urez beteta bazeuden ere haur batzuk, talde txikitan banatuta, sartzeko modua izan zuten mina batean. Hamaiketako ederra eta oparitxoa izan zituzten parte hartu zuten haur guztiek.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide