Albisteak

Aurtengoan ere ez du hutsik egin Gurea Kulturak, eta beste behin, herritarren erantzun beroa jaso du. Zezenketen alternatiba gisa antolatzen duten musika jaialdiaren lehen hitzordua izan da gaurkoa, eta jendetza batu da estazio zaharrean kontzertuez gozatzeko. Gailu taldea izan da oholtzara igotzen lehena, eta haren emanaldiaren ondoren Ithakaren txanda iritsi da. Musikak eta festa giroak hartu dute estazio zaharra arratsalde osoan zehar, bertaratu diren lagun ugariren gozamenerako.

Gurea Kulturaren egitarauak asteartean, Amabirjina egunez, izango du jarraipena. Izaki Gardenak taldeak eskainiko du jaialdiaren bigarren eta azken kontzertua estazio zaharrean, 18:00etan.