Albisteak

[ARGAZKIAK] Kixkurra eta Jantxi bikoteak jantzi dute aurtengo Txokoko Pilota Txapelketako txapela

— 2019-07-06

Uztailaren 5 arratsaldeko zaparradak ez zuen festa zapuztu eta jendetza bildu zen beste urte batez Gurutzeaga pilotalekura Txokoko txapelketa amaierara. Hiru eta laugarren postuak jokatu ziren aurrena eta Urtzi / Aitzol 30 – Muno / Josu 25eko emaitzaren bukatu zen partidua.

Partiduak guztiz bestelako itxura bazuen ere, sorpresa izan zen amaieran eta Kixkurra / Jantxi 30 – Hektor / Ander 28 amaitu zen Txokoko Pilota Txapelketako finala.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide