10 urte arteko haurrak izan dira korrika egiten aurrenak, eta hauek gozokiak eraman dituzte etxera. Ondoren, 11 eta 15 urte bitartekoen lasterketaren txanda izan da; nesketan, Jone Lizarralde eta Aitana Ulazia izan dira garaile, biak batera iritsi baitira metara, eta mutiletan, berriz, Unai Aizpurua. Proba nagusiarekin amaitu da aurten ere lasterketa, honetan, usadioari jarraituz, mozorrotuta irten dira hainbat korrikalari. 16 urtetik gorakoetan, anai-arrebak izan dira garaileak, Amets Aranberri, gizonezkoetan, eta Nerea Aranberri, emakumezkoetan.
Behin lasterketak amaituta, sari banaketa egin dute eta hainbat parte-hartzaile zozketan tokaturiko sariekin gustora itzuli dira etxera.
