Albisteak

Etxeko Memoriala Bertso Pilota Txapelketa amaierara iritsi da; izan ere, gaur, igandez, jokatu da esku pilota eta bertsolaritza uztartzen dituen txapelketa honen finala. Giro bikaina sortu da Zestoako kiroldegiko frontoian jokatutako bi partidetan: lehena lau t’erdiko modalitatean izan da, eta bigarrena binaka.

Naroa Agirreren Bitxiloreen taldea azpitxapeldun atera da, nahiz eta talde bakoitzak partida bana irabazi, tanto baten aldeagatik erabaki baita txapelduna. Lehen neurketan, Naroa Agirrek ezin izan du garaipena lortu, 18-13ko emaitzarekin Mitxoleta taldeko Leire Oskozen aurka galdu baitu. Bigarren partidan, berriz, Bitxiloreen taldeko Leire Galdeano eta Iera Iturriaga gailendu dira, Amaia Arrastia eta Ainhoa Ruiz de Infante gaindituz, 22-18ko emaitzarekin.
Bestalde, Bitxiloreen taldeko Sebastian Lizaso eta Eguzkiloreen taldeko Anjel Peñagarikano aritu dira bertsolari gisa, giroa alaituz.