Albisteak

Festak gogotsu ari dira bizitzen zestoarrak aurten ere, eta horren erakusle da egunotan herriko kaleetan nagusitu den giro aparta. Gaur Umeen Eguna da, eta, hortaz, etxeko txikienen gozamenerako prestatutako ekintzek hartu dute protagonismoa.

Goizeko ekintza sortaren ostean, ume, gaztetxo eta gurasoak kiroldegiko aterpean elkartu dira bazkaltzeko. Paella eta oilaskoa izan dituzte menuan, eta giro ederrean egin dute bazkaria. Ez dute, ordea, atseden hartzeko tarte handirik izan. Izan ere, 15:30ean karaokeak hartu du lekukoa.

Hona hemen arratsaldeko egitaraua:

18:00. Umeentzat tailerrak, frontoi zaharrean.
19:00. Aliritzi erromeria, kiroldegiko aterpean.
22:00. Suzko zezena, plazan.
Ondoren, Sedientos de Cumbia eta Txamakos taldeekin dantzaldia.
Herritarrak txuri gorriz janztera gonbidatu ditu udalak.