Albisteak

Asteburuan Iraetako Santa Ines pilota txapelketako finalerdiak jolastuko dira

— 2025-01-03

Urtero bezala, aurten ere Iraetako Santa Ines pilota txapelketako finalerdiak izango dira asteburuan zehar Txikito de Iraeta pilotalekuan. Partidak bihar, larunbata, hasiko dira arratsaldeko 17:30ean, mutilen finalerdietako lehen partidarekin. Bertan, Mattin eta Liam, Kixkurra eta Adonisen aurka arituko dira.

Igande goizean, nesken txanda izango da lehendabizi. Lehen partida 11:00tan hasiko da, Uxue Loiola eta Amaiur, Naroa Salaberria eta Uxue Egañaren aurka arituko direlarik. Ondoren, nesken bigarren partida jokatuko da, non Naira Otaño eta Naroa Gastiain, Araia Otaño eta Laia Gastiainen aurka lehiatuko diren. Finalerdiei amaiera emateko, mutilen bigarren finalerdiak izango dira Xalegi eta Peioren eta Mikel eta Arantzetaren arteko partidarekin.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide