Albisteak

Bainuetxeko autbous geltoki berria martxan jartzeko Aldundiko Mugikortasun Sailaren oniritzia falta dela adierazi du Udalak

— 2017-10-02

Irailaren hasieran bukatu ziren Bainuetxeko autobus geltoki berriaren egokitze lanak. Lan horiek amaituta “Foru Aldundiko Mugikortasun sailetik ikuskaritza egina dagoela eta informea positiboa dela” adierazi dietela jakinarazi du Josetxo Mendizabal Zestoako alkateak. Horrela “Mugikortasu Saileko Zuzendariak eman behar du azken oniritzia, geraleku hori martxan hasteko” adierazi du Mendizabalek.

Zestoako Udaletik “oso gainean” daudela adierazi du Mendizabalek, “kezka handiak dauzkagu segurtasun aldetik, Bainuetxeko erabiltzaileengatik eta baita gaur egungo geralekua erabili behar duten pertsonengatik ere”.

Horretaz gain, “Zestoako Udaletik garbi utzi nahi dugu ardura non dagoen, guk erreklamatzen jarraituko dugu Bainuetxeko geltoki berria ahalik eta azkarren martxan jarri dadin” adierazi du Mendizabalek.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide