Albisteak

Beharrezkoak ez diren bidaiak saihesteko kontrol gehiago ezarriko ditu Ertzaintzak

— 2020-03-18

Datozen egunetan kontrol gehiago ezarriko dituela jakinarazi du Ertzaintzak. Bihar jaieguna dela kontuan izanik, bigarren etxebizitzetara mugitzea debekatuta dagoela ohartarazi dute. Konfinamendua ohiko etxebizitzetan egin behar da. Autoa beharrezkoa den egoeretan soilik hartuko da eta ibilgailu bakoitzean pertsona bakarra ibiltzea gomendatzen da. Beste pertsona bat sartzen bada, autoaren atzeko eta eskuineko eserlekuan eseri beharko du.

Gogoratu etxetik ondorengo egoeretan soilik irten daitekeela:

Elikagaiak, botikak eta oinarrizko produktuak erosteko.
Osasun zentroetara joateko, aurre ordua hartuta izanez gero.
Lanera joateko.
Ohiko bizitokira itzultzeko.
3. adinekoak, adin txikikoak, menpekotasunen bat dutenak eta, oro har, egoera zaurgarriak daudenak artatu eta zaintzeko.
Banketxera joateko.
Ezinbesteko egoera baten aurrean.
Behar bezala justifikatutako antzerako jarduera bat.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide