Bosgarren urtez antolatu da Arroabeko Artisau eta Baserritar Azoka, eta aurten ere jendetza gerturatu zen bertara. Artisauen lanak gertutik ezagutzeko aukera zabalak eskaini ziren, eta produktu eskaintza oparoa izan zen.

Igandean ospatutako azokaren balorazioa egin dute antolatzaileek, eta Zestoako ekoizleei ekimenaren inguruko iritzia eskatu diegu. Haien ekarpenek artisautzaren eta lehen sektoreko jardunaren garrantzia azpimarratzen dute, eta azokak jendaurrera agertzeko eskaintzen dien onurak ere nabarmendu dituzte.