Albisteak

Bidezarreko petrilaren konponketak direla eta, Zestoa eta Azpeitia arteko errepideko errail bat itxitako dute

— 2021-11-30

Iragan larunbatean Bidezarreko ibilbidean erori zen harrizko petrilaren hondakinak garbitzeko lanak hasiko ditu bihar, asteazkena, udalak. Construcciones Egurki Eraikuntzak SL enpresak egingo ditu garbitze lanak. Abenduaren 1era arte iraungo dute eginbeharrek eta aldi horretan, Azpeitia-Zestoa norabideko erraila itxita egongo da. Hori dela eta, Zestoa-Azpeitia norabidean trafiko txandakatua mantenduko da.

Trafikoa ordenatuta mantentzeko, errepidean New Yersey motako itxiturak bi errailen erdiko marran jarriko dituzte eta horrez gain, semaforoak ere erabiliko dituzte. Konponketek irauten duten bitartean, garraio bereziek ezingo dute GI-631 errepidetik pasa, trafiko txandakatua egokituko den errailaren zabalerak ez baitu mota honetako garraioaren pasabidea bermatzen.

Bidezarrean aparkatzea debekatuta

Lanek irauten duten bitartean (abenduaren 1,2 eta 3an) debekatuta egongo da Bidezarra 2,4,6,8 eta 10 zenbakidun etxeen atarian aparkatzea. Udalak San Juan parkea irekiko du bizilagunek autoak aparkatzeko.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide