Albisteak

Ekitaldi feminista egingo da, azaroak 25, indarkeria matxistaren aurkako egunean

— 2023-11-21

Nazioarteko indarkeria matxistaren kontrako eguna dela eta ekitaldia antolatu du zestoako herritar feminista talde batek. Larunbat honetan izango da, eguerdiko 12:ooetan herriko plazan.

60. hamarkadatik ospatzen da egun hau eta orduztik 60 urte gehiago ere igaro dira. Hasiera batean Dominikar Errepublikako hiru ekintzaile omentzeko data izan zen, Mirabal ahizpak hain zuzen. Hiru emakumezko hauek Rafael Trujilo dikatadoreak hil zituen. Gerora 1999an dominikarrek egindako proposamenari jarraituz Nazio Batuen Erakundeko Biltzar Nagusiak, Azaroaren 25a Emakumeen aurkako Indarkeriaren kontrako Nazioarteko eguna izendatu zuen.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide