Albisteak
Emaitza bikainak lortu ditu Naroa Agirrek Euskal Selekzioarekin Trobada la Mediterranea txapelketan
— 2021-10-10Neskek one-wall modalitatean txapeldunak izan dira eta pilota joko internazionalean azpitxapeldunak. Gizonezkoak berriz Llargues espezialitatean txapeldun izan dira eta one-wall espezialitatean eta internazionalean azpitxapeldunak. Hemendik hamar egunera Holandara joango da Naroa Agirre selekzioarekin Europa mailakoa jokatzera.
C.I.J.B. erakundeak Euskal Pilota Federazioa bere kide bezala onartu zuenetik, joko zuzenen Euskal Selekzioa bere nazioarteko ibilbidea jorratzen ari da eta asteburu honetan nazioarteko federakuntzak antolatzen duen Trobada la Mediterranea txapelketan parte hartu du Valentziako Simat de la Valldigna eta Benifaró udalerrietan. Euskal Pilota Selekzioko hamar pilotarik hartu dute parte eta horien artean dago Naroa Agirre arroarra. Euskal Selekzioaz gain, Valentziako, Catalunyako, Ita liako, Portugalgo eta Frantziako selekzioek hartu dute parte. Euskaldunak emaitza oso onekin datoz gaur bukatu den txapeletatik bueltan. Neskek one-wall modalitateko finala irabazi dute eta pilota joko internazionalean azpitxapeldun gelditu dira. Gizonezkoak berriz Llargues espezialitatean txapeldun izan dira eta one-wall espezialitatean eta internazionalean azpitxapeldunak. Hemendik hamar egunera, Holandara joango da Naroa Agirre selekzioarekin Europa mailan jokatzera.
Egin zaitez bazkide