Albisteak

Gipuzkoako Euskal Pilota Federazioak 100 urte betetzen dituen honetan, Emakume Pilotarien Jardunaldia ospatzen ari dira Zestoan eta Azpeitian.

Atzo arratsaldean, “Raketistak Lehen eta Orain” dokumentala proiektatu zuten Kultur Etxeko aretoan. Lan honek 1917tik 1980ra bitartean modu profesionalean pilotan aritu ziren ehunka emakume pilotariren istorioak jasotzen ditu.

Gaur, larunbata, ospakizunek jarraipena izango dute pilota jaialdiarekin. Arratsaldeko 17:00etan hasita, Kiroldegiko pilotalekuan, diziplina desberdinetako bost partida jokatuko dira. Ekitaldiaren baitan, omenaldia egingo diete Gloria Agirre “Txikita Aizarnari” eta beste hainbat emakume pilotariri, euren ibilbide eta kirolari egindako ekarpenagatik.

Hauek izango dira partidak:

1. Zesta-puntako partida:
Elezgarai-Watkins vs. Ortiz de Mendivil-Otaño

2. Teniseko pilotako partida:
Esnal-Macicior vs. Iribar-Mendizabal

3. Gurpil aulkiko vs. Zutikako partida: Ugarteburu-Mendizabal vs. Troitiño-Macicior

4. Gomazko paletako partida:
Eizmendi I-Eizmendi II vs. Irazustabarrena-Murua

5. Eskuko partida:
Arraiza-Erasun vs. Etxegarai-Mendizabal