Otsaila 2026
— 2026-03-02Irakurri 279. zenbakia hemen.
Albisteak
Emozioen ingurukoa izango da aurtengo Txistulari Alardea
Danbolin— 2025-08-26Hiru urtez behin Idiakaitz Txistulari Taldeak antolatzen duen Txistulari Alardea berriz izango da aurten Zestoan. Hitzordua abuztuaren 31n, arratsaldeko 19:00etan, Plaza Nagusian izango da.
Ohiturari jarraituz, euskal musikagintzako izen ezagunak eta herriko musikariak elkartuko dira oholtza gainean. Aurtengo emanaldia emozioen inguruan ariko da, eta Benito Lertxundiren musikak ere bere lekua izango du.
Gonbidatuen artean izango dira Oriotik etorritakoak: Julen Alonso trikitilaria eta Imanol eta Iratz Urkizu aita-alabak. Haiekin batera arituko dira Amaia Aldalurrek zuzentzen duen Zumaiako San Pedro Abesbatza eta metal bostkote bat ere.
Herriko musikariak izango dira beste behin alardearen ardatz nagusia: Nerea Mendizabal, Agurtzane Auzmendi, Joritz Zunzunegi, Itxaropena dantza taldea, Mertxe Merinok prestatutako eskolako haur kantariak eta, noski, Idiakaitz Txistulari taldea.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
