Albisteak
Erraldoiak diren azpiegiturak diru publikoaz laguntzeari utzi eta herritarren beharrei erantzutea lehenesteko eskatu dute Sortuk deitutako elkarretaratzean
— 2020-11-07Hogeita hamar lagunetik gora elkartu dira gaur goizean “Non dago diru publikoa? Lehenik herria!” lemapean, Sortuk deitutako elkarretaratzera. Joseba Alberdi, Sortuko kideak, azaldu duenez; “Neurri murriztaile eta sozialak hartzen ari dira, baina, neurri horiekin batera herritarren beharrei erantzuteko laguntzak ere behar ditugu. Sistema publikoaren indartze bat egon behar du; osasungintzan, hezkuntzan…”. Eta gehitu du; “Orain esate baterako, ostalaritza ixteko erabakia hartu da, baina lagundu ere egin behar da eta horrela hartzen ari diren neurri guztiekin”. ERTE eta muturreko egoeran zaurgarrietan dagoen jendea ere gogoan izan du Alberdik, hauek babestea ezinbestekoa dela esanez. Bukatzeko esan du, diru publiko guztia proiektu erraldoietan (AHT, Petronor, metroak…), pribilegiatu batzuen esku gelditzen ari dela,baina,herritarren beharrei erantzuteko laguntzetara ez dela dirua
iristen.
Egin zaitez bazkide