Albisteak

“Eskura” hausnarketa prozesua aurkeztuko du Gure Esku Dago herri ekimenak

Datorren ostiralean, urriak 9, Gure Esku Dago herri ekimenak “Eskura” hausnarketa prozesuaren aurkezpena egingo du Zestoan. Aurkezpena 19:30ean izango da Udaletxe azpian.

Herri ekimenetik azaldu dutenez, “Eskura” prozesuaren helburua “herri bezala geure etorkizuna erabakitzeko eskubidearen inguruko hausnarketa izango da”.

Bideo honetan azaltzen da “Eskura” hausnarketa prozesua:

Zestoako Gure Esku Dagoren oharra:

Gure Esku Dago herri ekimenak “Eskura” deituriko hausnarketa prozesua abiarazi du. Herri bezala geure etorkizuna erabakitzeko eskubidearen inguruko hausnarketa izango da, beti ere, erabakitzea helburu jarrita, jarraituko beharreko bide-orria zehazteko. Horrela, Zestoan aurkezpena izango da urriaren 9an, ostiralean, arratsaldeko 19:30ean udaletxe azpian. Batzordetik herritar guztiak gonbidatzen ditugu bertara agertzeko eta ondoren, prozesu honetan parte hartzeko.




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide