Albisteak

Film emanaldia, xaboi ikastaroa, garagardo dastaketa eta kontzertua iragarri ditu gazte asanbladak urtarrilerako

— 2022-01-10

Zestoako Gazte Asanbladak urtarrileko egitarauaren berri eman du: hilaren 16an, igandea, film emanaldia izango da, arratsaldeko 18:00etan hasita. Hilaren 20an, berriz, Aiora Urbietak xaboi ikastaroa eskainiko du 17:00etatik aurrera eta hilaren 28an, garagardo dastaketa egingo dute, Azpeitiko Izar-Haitz garagardotegiaren eskutik. Ondoren, Manitu taldeak kontzertua eskainiko du.

Ikastaroan eta garagardo dastaketan parte hartzeko aurrez izena eman beharko dela jakinarazi dute asanbladako kideek. Izen-ematea sare sozialen bidez egingo da, hilaren 16a bitartean.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide