Albisteak

Gabon eskerako Olentzero eta Mari Domingiren panpinak egitera animatu nahi dira haurrak eta haien familiak

— 2024-12-03

Olentzero eta Mari Domingiren etorreraren antolatzaileek Gabonetako ohitura tradizionalak berpiztera gonbidatzen dituzte 2. zikloko familiak eta haurrak, Olentzeroren panpinak sortuz. Aurten, arratsaldean Olentzeroren etorrera lagunduko duen kalejiran parte hartzeaz gain, haurrak abenduaren 24an euren sorkuntzekin gabon eskean ateratzera animatu nahi dituzte herritarrak.

Gaztelekuan panpinak sortzeko tailerrak egingo dira

2. ZIKLOA: Talde bakoitza gutxienez guraso arduradun batekin bertaratu beharko da eta beraien kontura egingo dituzte panpinak. Eguna eta ordua, eskaeraren arabera zehaztuko dira.
3. ZIKLOA: Abenduaren 5ean eta 12an.
DBH 1: Abenduaren 13an eta 14an.

Izena ematea nahitaezkoa da eta epea bihar abenduaren 4ra arte dago zabalik 688 684 029 telefonora deituz.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide