Albisteak

Gabon garaian kartoi asko pilatzen dela eta Mankomunitatetik hainbat aholku eman nahi dizkiete dendariei

— 2016-12-16

Honako ohar hau kaleratu du Urola Erdiko Mankomunitateak, gabon garaiko kartoi pilaketak direla eta:

Urte sasoi honetan erosketa gehiago egiten direlako kartoi gehiago sortu ohi dute komertzioek. Urola Erdiko Mankomunitateak merkatariei ondorengo oharra eman nahi dizuegu:

Edukiontziak erabiltzen dituzten dendei, kartoizko kaxak ongi tolestu eta edukiontzi barrura sartzeko eskatu nahi dizuegu.
Kartoi bilketa atez-ate egiten zaien merkatariei ere denda atarira kartoiak ongi tolestuta ateratzeko eskatu nahi dizuegu.

Kartoizko kaxak edukiontzien kanpoan uzteak biltzaileei arazoak eragiten dizkie eta beren lan karga handitzen du. Gainera, herriaren txukuntasuna kaltetzen du. Bestalde, tolestu gabeko kartoiak bolumen handia hartzen duenez, garraioak ez dira optimizatzen, alferrikako kutsadura eta gastua eraginez.

Guzti honegatik, ahalegin bat egitea eskatzen dizuegu.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide